最近政府官員解說國安法
不停喺度強調「只針對一小撮人」「極少數人士」
佢哋嘅Target audience從來都只係藍絲
而藍絲嘅最大特點係咩？係自私。
不停用「一小撮人」「極少人數人士」呢啲字眼
根本係睇死藍絲自私、自己顧自己嘅性格
派粒定心丸畀佢哋，等佢哋知道自己安全，自然會支持Ivan。
喺我眼中就好似天真少女遇上playboy
氹你上床梗係將說話講得冠冕堂皇
上完床之後佢會點？唔使預知未來，只需要重溫歷史
中國一直以嚟點樣尊重人權、尊重法律、處事點公平公正
點樣愛民如子、一視同仁、法律之下如何人人平等⋯
真係可以慢慢傾到2047。呢個前車大過坦克，不能不鑑。
再說，如果你同我都唔係含住金鎖匙
只係含住條生銹鎖匙，你又憑咩覺得你下場會同我唔同？
我朋友有句說話講得好好：
「你愛共產黨，共產黨愛你嗎？」
你以為幫共產黨含就可以有免死金牌？
你以為自己係同共產黨企埋同一邊？
Sorry，喺中共眼中你同我都係賤骨頭、爛雞蛋。
你以為自己係嗰個住緊納稅人畀錢嘅狗宿，
然後販3公斤毒都可以安然無恙嘅狗二代？
其實你同我都只係嗰個帶枝膠喉坐三個月嘅公大女生。
各家自掃門前雪並唔會令你明哲保身
你守得住你嘅晚年，又守唔守護到你下一代嘅平安。
國安法未立，法治已經入土為安。立完會點？
到時（佢鍾意話你）犯法就係犯法。除非你係警察。
希望大家出手助養我嘅文字寫作：
https://www.patreon.com/hkgirlfriend
（****Patreon收入會將一半捐去612基金）
IG：@hkgirlfriend
FB：港女友
Search